Nəriman “Kolambus Kryu”nu yarımfinala daşıdı!
Azərbaycan millisinin hücumçusu Nəriman Axundzadə ABŞ-nin “Kolambus Kryu” komandasında məhsuldar ötürmə ilə diqqət çəkib.
TodayPress TV xəbər verir ki, futbolçu ABŞ Açıq Kubokunun 1/4 final mərhələsində “Nyu-York Siti” üzərində 1:0 hesablı qələbə qazandıqları oyunda assist edib.
Start heyətində meydana çıxan Nəriman 64-cü dəqiqədə əvəzlənib.
“Kolambus Kryu” yarımfinal mərhələsində “Orlando Siti” ilə üz-üzə gələcək.
Xatırladaq ki, azərbaycanlı hücumçunun ABŞ klubu ilə müqaviləsi 2029-cu ilin yayına qədər qüvvədədir.
Namiq HUN
