Nadalın mentallığı, Cokoviç taktikası: Alkaras xəyalındakı tennisçini təsvir etdi!

Yeddiqat “Böyük Dəbilqə” çempionu, dünyanın üç nömrəli raketka ustası olan ispaniyalı tennisçi Karlos Alkaras müxtəlif nəsillərin təmsilçilərindən ən güclü keyfiyyətləri seçərək ideal obraz formalaşdırıb.

TodayPress TV xəbər verir ki, bu barədə “Tiempo De Tennis” “X” sosial şəbəkəsində paylaşım edib. 

Alkaras ideal tennisçinin xüsusiyyətlərini belə sıralayıb:

Forhend (sağdan zərbə): Xuan-Martin del Potro

Bekhend (soldan zərbə): Yannik Sinner

Tor önündə oyun: Rocer Federer

Ayaq hərəkətləri (sürət və mobillik): Karlos Alkaras

Zərbə seçimi: Novak Cokoviç

Mental dözümlülük: Rafael Nadal

Taktika: Rafael Nadal / Novak Cokoviç

Məlumat üçün bildirək ki, Alkaras hazırda Yaponiyanın Tokio şəhərində keçirilən “ATP-500” turnirində mübarizə aparır. İspaniyalı tenisçi finala vəsiqə uğrunda həmyerlisi Xaume Munarla qarşılaşacaq.

Namiq HUN