Maks Ferstappen üçün 2025-ci ilin dönüş anı Monzada yaşandı

Dördqat dünya çempionu və “Red Bull” komandasının pilotu Maks Ferstappenin atası Yos Ferstappen oğlunun 2025-ci il mövsümündə yenidən motivasiya qazandığı anı açıqlayıb.

TodayPress TV xəbər verir ki, bu barədə F1 Oversteer nəşri məlumat yayıb. 

Yos Ferstappen bildirib ki, həlledici məqam İtaliya Qran-prisindən sonra Monzadan gələn telefon zəngi olub:

“Maks Monzadan mənə zəng edib dedi: ‘Ata, deyəsən problemi tapdıq’. O an hiss etdiyim həvəsi sözlə ifadə etmək çətindir. Bunu birbaşa ondan eşitdim”, – deyə Yos Ferstappen bildirib.

Qeyd edək ki, mövsümün ikinci yarısında Maks Ferstappen 10 yarışın 6-da qələbə qazanaraq böyük sıçrayış edib və lider Lando Norrislə xal fərqini 104 xaldan cəmi 2 xala endirib. Buna baxmayaraq, sonda dünya çempionluğu titulunu əldə edə bilməyib.

Namiq HUN

TodayPress TV