Hökumət əleyhinə video paylaşan futbolçu tutuldu
Rəşid Məzaheri sərhəddə saxlanılıb.
TodayPress TV İran mətbuatına istinadən xəbər verir ki, futbol üzrə İran millisinin, eləcə də “İstiqlal” və “Traktor” klublarının sabiq qapıçısı xarici görünüşünü dəyişərək ölkənin qərb sərhədlərini qanunsuz keçməyə cəhd edib.
Məlumata görə, Məzaherinin sərhəd xidmətinin əməkdaşlarına rüşvət təklif etdiyi və ölkəni tərk etmək istəyərkən saxlanıldığı bildirilib.
Sabiq qapıçıya dövlət məmuruna rüşvət vermək, müharibə şəraitində ölkənin milli təhlükəsizliyinə qarşı təbliğat aparmaq və sərhədi qanunsuz keçməyə cəhd maddələri ilə bağlı araşdırma aparılır.
İran mediasının yazdığına görə, onun saxlanılmasına səbəb hökumət əleyhinə paylaşdığı video olub.
Namiq HUN
