Gənc Xodardan böyük uğur: “Masters”də tarixi yarımfinal!
Dünya reytinqinin 15-ci pilləsində qərarlaşan ispaniyalı tennisçi Rafael Xodar “Masters” seriyalı turnirdə yarımfinala yüksələn 2006-cı il və daha sonra doğulan ilk oyunçu olub.
TodayPress TV xəbər verir ki, 19 yaşlı tennisçi Kanadanın Monreal şəhərində keçirilən ATP-1000 turnirinin 1/4 finalında dünya reytinqində 24-cü olan fransalı Artur Fisi 7:6 (7:5), 6:3 hesabı ilə məğlub edib.
Xodar yarımfinalda ABŞ təmsilçisi Brendon Nakaşima ilə qarşılaşacaq. Digər yarımfinal görüşündə isə amerikalılar Ben Şelton və Lear Tien üz-üzə gələcəklər.
Qeyd edək ki, Xodar 2026-cı ildə ATP səviyyəsində ilk titulunu qazanıb. O, apreldə Mərakeşdə keçirilən ATP-250 turnirinin qalibi olub.
Namiq HUN
