Gənc boksçularımız beynəlxalq sınağa çıxır
Azərbaycanın U-15 boks millisi Qazaxıstanda beynəlxalq turnirdə mübarizə aparacaq.
TodayPress TV xəbər verir ki, avqustun 6-da Qazaxıstanın Akmola vilayətinin Qorğaljın rayonunda məktəbli boksçular (U-15) arasında beynəlxalq turnirə start veriləcək.
Dörd gün davam edəcək yarışda Azərbaycanın U-15 millisi də iştirak edəcək.
Sərxan Haqverdiyev (70 kq) və Teymur Tanrıverdiyev (+70 kq) turnirdə rinqə çıxaraq medallar uğrunda mübarizə aparacaqlar.
Yığmamız baş məşqçi Etibar Abdullayevin rəhbərliyi altında iki boksçu ilə təmsil olunacaq.
Namiq HUN
