"Flamenqo" Royalla müqavilə imzaladı

Braziliyanın "Flamenqo" klubu "Milan"ın müdafiəçisi Emerson Royalı heyətinə qatıb.

TodayPress TV xəbər verir ki, bu barədə klubun rəsmi saytı məlumat yayıb.

26 yaşlı braziliyalı futbolçu ilə imzalanan müqavilənin müddəti 2028-ci ilin dekabrına qədər nəzərdə tutulub. Məşhur idman jurnalisti Nikolo Skiranın verdiyi məlumata görə, transferin dəyəri 10 milyon avro təşkil edib.

Qeyd edək ki, daha əvvəl Moskvanın "Spartak" klubu Emersonun icarəyə götürülməsindən imtina etmişdi.

Emerson Royal 2024/25 mövsümündə "Milan"ın heyətində 26 oyun keçirib, lakin qol və ya məhsuldar ötürmə ilə yadda qalmayıb.

Töhfə Səməd