Dünya çempionu futbolla vidalaşır: Olivye Jirudan son qərar!
Fransa futbol millisinin keçmiş hücumçusu, hazırda Liqa 1 təmsilçisi “Lill”də çıxış edən Olivye Jiru 2026/2027-ci illər mövsümünün sonunda peşəkar karyerasını başa vuracağını elan edib.
TodayPress TV xəbər verir ki, bu barədə “L'Équipe” nəşri məlumat yayıb.
Sentyabrın 30-da təcrübəli forvardın 40 yaşı tamam olacaq. Jiru gələcək planları ilə bağlı təəssüratlarını bölüşüb:
“Deyəsən, bir futbolçu kimi son mövsümümü keçirirəm. Buna görə də hər anın həzzini çıxarmağa çalışıram”.
Xatırladaq ki, Jiru ötən ilin yayından “Lill”in şərəfini qoruyur. O, daha əvvəl “Los-Anceles”, “Milan”, “Çelsi” və “Arsenal” kimi tanınmış klubların formasını geyinib.
Təcrübəli hücumçu 2018-ci ildə Fransa millisinin heyətində dünya çempionu adını qazanıb.
Namiq HUN
