Çimərlik voleybolçularından uğurlu start
İtaliyada çimərlik voleybolu üzrə 18 yaşadək qız və oğlanlar arasında Avropa çempionatının təsnifat oyunları keçirilib.
TodayPress TV xəbər verir ki, Corigliano Rossano turnirində İbrahim Məmmədov - Muhammad Aslanlı dueti təsnifat mərhələsində Serbiya millisinə 2:0 (21:10; 21:15) hesabı ilə qalib gəlib. Bu uğur sayəsində komandamız Avropa çempionatında əsas mərhələyə yüksəlib.
Qeyd edək ki, Xədicə Hadızadə - Cəmilə Bəşirova dueti əsas mərhələdən yarışa qoşulacaq.
Namiq HUN
