Məktəbdə çəkiliş aparan media əməkdaşları hücuma məruz qaldı, saxlanılanlar var
Bu gün paytaxtın Yasamal rayonu 225 saylı məktəbdə çəkiliş edən media nümayəndələri fiziki zorakılığa məruz qalıb.
TodayPress TV APA-ya istinadən xəbər verir ki, hadisə ilə bağlı polis tərəfindən saxlanılanlar var, araşdırma aparılır.
Qeyd edək ki, oktyabrın 28-də Yasamal rayonu 225 saylı məktəbdə 7-ci sinif şagirdi pəncərədən düşərək ölüb.
Real TV və Space TV-nin əməkdaşları hadisə ilə əlaqədar məktəbə gedib, çəkiliş apararkən bir qrup şəxsin hücumuna məruz qalıb.
Polisin müdaxiləsindən sonra insidentin qarşısı alınıb.
Hadisə nəticəsində media nümayəndələri müxtəlif dərəcəli bədən xəsarətləri alıb.
