NATO Baltikdə ilin ən böyük hərbi təlimlərinə başladı

“Steadfast Dart 26” NATO-nun bu il üçün planlaşdırılan ən genişmiqyaslı Baltik təlimi kimi start götürüb.

TodayPress TV xəbər verir ki, bu barədə “Bild” nəşri məlumat yayıb.

Bildirilib ki, təlimlər Almaniyanın Şlezviq-Holşteyn əyalətində, Baltik dənizi sahilində yerləşən Putlos poliqonunda, Femarn adası yaxınlığında keçirilir.

Məlumata görə, təlimlərin əsas xüsusiyyəti ABŞ-nin birbaşa iştirak etməməsidir. Amfibiya əməliyyatında 15 hərbi gəmi və təxminən 2600 hərbçi iştirak edir. Ümumilikdə isə 13 ölkədən 10 minə yaxın hərbçi, 1500-dən çox hərbi texnika və 17 hərbi gəmi cəlb olunub. Ən böyük kontingent Türkiyə, İspaniya, İtaliya və Yunanıstandandır. Təlimləri Almaniyanın müdafiə naziri Boris Pistorius izləyir.

Aysel Mətləb

TodayPress TV