Moskva hava limanlarında 20-yə yaxın reys təxirə salınıb

Moskvada  yağan güclü qar nəticəsində 19 reys təxirə salınıb.

TodayPress TV "Gazeta.ru"ya istinadən xəbər verir ki, bu barədə Rusiya Nəqliyyat Nazirliyi məlumat verib.

Bildirilib ki, günün əvvəlindən hava limanlarında ümumilikdə 320 uçuş (160 gəliş və 160 çıxış) həyata keçirilib. Altı reys alternativ aerodromlara yönləndirilib. Xarici aviaşirkətlərin icra etdiyi altı reys də daxil olmaqla, ümumilikdə 19 uçuş ləğv edilib. On dörd reys isə iki saatdan artıq gecikib.

Moskva Nəqliyyat Departamenti güclü qar səbəbindən sakinlərə avtomobillə səfərləri təxirə salmağı və metrodan istifadə etməyi tövsiyə edib. Bununla əlaqədar şəhər mərkəzində nəqliyyatın qismən məhdudlaşdırılması gözlənilir.

“Phobos” hava mərkəzinin aparıcı mütəxəssisi Yevgeni Tişkovets daha əvvəl Moskvada qışın əvvəlindən bəri ən yüksək qar örtüyünün qeydə alınacağını bildirib. Onun sözlərinə görə, cümə axşamı paytaxtda qar qalınlığı 32 sm artacaq. Tişkovets qeyd edib ki, gün ərzində 19 fevral 1994-cü ildə qeydə alınmış 72 sm-lik rekordun yenilənməsi mümkündür. Əvvəlki maksimum göstərici 19 fevral 2024-cü ildə 66 sm olub.

Jalə Rövşən 

TodayPress TV