Macarıstan ABŞ-yə qarşı iqtisadi müdafiə planı hazırlayır
Macarıstan hökuməti ABŞ-Aİ ticarət razılaşmasının ölkə iqtisadiyyatına mümkün təsirlərinə qarşı fəaliyyət planı hazırlamağı planlaşdırır.
TodayPress TV xəbər verir ki, bu barədə Baş nazir Viktor Orban bildirib.
O qeyd edib ki, Macarıstanın ABŞ-yə illik ixracı təxminən 11 milyard dollar təşkil edir. Baş nazir, ABŞ bazarına ixrac edən macar şirkətlərinin işçiləri ixtisar etməməsini və istehsal müəssisələrini bağlamamasını vacib sayır.
Hökumətin hazırlayacağı planın məqsədi yerli sənaye və məşğulluğu qorumaq olacaq. Orban vurğulayıb ki, Macarıstan bu yeni iqtisadi şərtlərə hazır olmalıdır.
Türkan İsgəndərli
