Hüceyrə artımına nəzarət edən əsas mexanizm aşkar olundu

Avstraliya tədqiqatçıları hüceyrə biologiyasında uzun müddət davam edən sirri aşkar ediblər. Onlar hüceyrələrin nə vaxt böyüməyə və nə vaxt dayanmağa necə qərar verdiklərini öyrəniblər. 

TodayPress TV xəbər verir ki, bu barədə Avstraliyanın Monaş Universiteti məlumat yayıb. 

Bildirilib ki, bu kəşf xərçəng, epilepsiya və digər artımla bağlı xəstəliklərin müalicəsində yeni yollar aça biləcək bir sıçrayışdır.

Universitetin alimləri "KICSTOR-GATOR1" kompleksi kimi tanınan iki protein qrupunun qida maddələrinin mövcudluğuna əsaslanaraq hüceyrə böyüməsini tənzimləmək üçün krio-elektron mikroskopiyasından istifadə ediblər.

Araşdırma göstərib ki, qida maddələri azaldıqda "KICSTOR" kompleksi "GATOR1"i hüceyrə artımını "söndürmək" üçün elə mövqeləndirir ki, bu da hüceyrələrə resursları qorumağa kömək edir.

Tədqiqata görə, bu kəşf hüceyrə artımına nəzarət, stressə cavab reaksiyaları, həmçinin xərçəng, metabolik pozuntular və neyrodegenerasiya kimi xəstəliklərin mexanizmləri haqqında yeni təsəvvürlər yaradır.

"Hüceyrələrin böyüməsi üçün zülala ehtiyacı var. Lakin hüceyrələr artım və qida maddələrinin mövcudluğu arasındakı balansı düzgün qura bilmədikdə, bu, nəzarətsiz artıma, və ya hətta hüceyrənin tamamilə sıradan çıxmasına səbəb ola bilər. Məsələn, bir çox xərçəng növlərində hüceyrələr sağlam hüceyrələr kimi yavaşlamaq əvəzinə, kifayət qədər yanacaqları olmadıqda belə böyüməyə və bölünməyə davam edirlər",- deyə tədqiqatda bildirilib.

Aysel Mətləb

TodayPress TV