Ermənistan–Gürcüstan sərhədinin delimitasiyası prosesi başa çatdıqdan sonra Ermənistan Gürcüstana məxsus sərhəd kəndi olan Cilizəni geri qaytaracaq.
TodayPress TV Ermənistan KİV-nə istinadən xəbər verir ki, bu barədə bu gün Ermənistanın Baş naziri Nikol Paşinyan bildirib.
Qeyd edək ki, 1921-ci ilin iyulunda Rusiya Kommunist Partiyası Mərkəzi Komitəsinin Qafqaz Bürosu Cilizə kəndi də daxil olmaqla Lori neytral zonasının Sovet Ermənistanına verilməsi barədə qərar qəbul edib.
Ermənistan və Gürcüstan SSRİ-nin dağılmasından sonra, 1992-ci ildən etibarən dövlət sərhədinin delimitasiyası məsələsini müzakirə edirlər.
Onu da qeyd edək ki, Nikol Paşinyanın bu açıqlaması Ermənistanda birmənalı qarşılanmayıb. Müxalifət qüvvələri prosesə etiraz edirlər.
Jalə Rövşən
TodayPress TV
