Ermənistan Türkiyə ilə sərhəddə körpülər tikməyə hazırlaşır
Ermənistanın Baş naziri Nikol Paşinyan Türkiyə ilə sərhədin müəyyən hissələrində bir neçə körpünün tikintisinin mümkünlüyünü açıqlayıb.
TodayPress TV xəbər verir ki, bu barədə Ermənistan KİV məlumat yayıb.
Regionda nəqliyyat əlaqələrinin və potensial olaraq sərhədlərin açılması perspektivlərindən danışan Paşinyan qeyd edib ki, Marqara sərhəd keçid məntəqəsi yaxınlığında, eləcə də Axurik keçid məntəqəsində daha bir körpünün tikintisi zəruri ola bilər.
O əlavə edib ki, Yerasx yaxınlığında Naxçıvanla sərhəddə müasir gömrük və sərhəd terminalları tikilməlidir.
Aysel Mətləb
