Əraqçi: "ABŞ uranın zənginləşdirilməsinin dayandırılmasını tələb etməyib"

İranın xarici işlər naziri Abbas Əraqçi ABŞ-nin uranın zənginləşdirilməsinin dayandırılmasını tələb etmədiyini bildirib. 

TodayPress TV xəbər verir ki, bu barədə, o, “MSNBC” televiziyasına müsahibəsində bildirib.

"Hazırda danışdığımız məsələ İranın nüvə proqramının, o cümlədən zənginləşdirmənin dinc xarakter daşımasını və əbədi olaraq dinc qalmasını necə təmin etməkdir”, - deyə o vurğulayıb. 

Əraqçi həmçinin ABŞ və İsrail mətbuatında İranın uranın zənginləşdirilməsi fəaliyyətlərini bir neçə il dayandırmağı təklif etdiyinə dair iddiaları da təkzib edib. 

Nazir əlavə edib ki, İran danışıqlar çərçivəsində iki-üç gün ərzində Vaşinqton administrasiyasına nüvə sazişinin layihəsini təqdim edəcək:  

"Növbəti addımım ABŞ-dəkı həmkarlarıma mümkün sazişin layihəsini təqdim etməkdir. İnanıram ki, bu, yaxın iki-üç gün ərzində hazır olacaq və rəhbərlərimdən yekun təsdiq aldıqdan sonra ABŞ-nin xüsusi elçisi Stiv Uitkova təqdim ediləcək".

Aysel Mətləb

TodayPress TV