Avropa və ABŞ Ukraynanın təhlükəsizlik zəmanətləri üçün plan hazırlayır

Avropada Ukraynanın təhlükəsizliyinə dair planın son detalları bu həftəsonu açıqlana bilər. 

TodayPress TV xəbər verir ki, bu barədə Britaniyanın "The Daily Telegraph" qəzeti yazıb. 

Bildirilib ki, plan hava məkanı patrulunun təşkili, ukraynalı hərbçilərin təlimi və münaqişə başa çatdıqdan sonra Qara dənizdə hərbi missiyanın həyata keçirilməsini əhatə edir.

Bu məlumat, ondan çox qərb rəsmi ilə aparılan brifinqlər sayəsində əldə olunmuş ən geniş variantdır. Həmin sənəddə Avropanın bu missiyanın hər hansı sülh sazişinin icrasını təmin edə biləcəyi vurğulanır. Planın strategiyası kimi gələcəkdə müharibənin qarşısını almanın əsas yolu, Ukrayna Silahlı Qüvvələrinin bərpasını davam etdirmək və onları əsl sarsıdıcı güc halına gətirmək qeyd olunur.

Əvvəlcədən nəzərdə tutulub ki, ukraynalı birləşmələr hər hansı sülh sazişində orta xəttə uyğun şəkildə möhkəmləndirilmiş sərhədi qoruyacaq. Avropa NATO ölkələri Ukrayna Silahlı Qüvvələrinin yenidən təchizatı və təlimindən məsul olacaq. Onlar ABŞ-dən “Patriot” zenit-raket sistemləri və "HIMARS" tipli çoxsaylı raket tədarükü üçün maliyyə yardımı təmin etməyə davam edəcəklər.

Həmçinin planda Ukraynada ABŞ-nin özəl hərbi şirkətlərinin çalışanlarının yerləşdirilməsi təklif olunur. Onlar müdafiə strukturlarının, yeni bazaların inşasına və ABŞ biznes maraqlarının qorunmasına cavabdeh olacaqlar. Qəzetə görə, ABŞ Prezidenti Donald Tramp bu məsələni Avropa liderləri ilə müzakirə edir; Avropada isə bu agentlərin Ukraynada mövcudluğunun Rusiyaya qarşı bir əsaslı qoruyucu amil olacağına inanılır.

Töhfə Səməd