Aİ ölkələri Ukraynaya qoşun göndərilməsi ilə bağlı qərarı ayrı-ayrılıqda verəcək

"Avropa İttifaqının (Aİ) ölkələri Ukraynaya qoşun göndərilməsi məsələsini hər biri ayrıca həll edəcək. Ümumi avropa qərarı hələ ki, mövcud deyil". 

TodayPress TV xəbər verir ki, bu barədə Aİ-nin diplomatik xidmət rəhbəri Kaya Kallas Kopenhagendə keçirilən Aİ xarici işlər və müdafiə nazirlərinin qeyri-rəsmi görüşünə gələrkən bəyan edib.

Kallasın sözlərinə görə, bəzi ölkələr artıq Ukraynaya qoşun göndərmək barədə qərar verib, digərləri isə bundan imtina edib. Diplomat əlavə edib ki, Aİ-yə daxil olmayan neytral dövlətlər də bu prosesdə iştirak edə bilərlər.

O həmçinin qeyd edib ki, hazırda Avropa qüvvələri üçün Rusiyadan heç bir təminat yoxdur: 

“Rusiya sülh istəmir”, – deyə Kallas vurğulayıb və Moskvanı Avropa qoşunlarının Ukraynaya daxil olmasına razılıq verməyə məcbur etmək üçün təzyiqlərin artırılmasına çağırıb.

Qiymət Mahir