Elvin Hüseynov: “Bütün düşərgələrdə iştirakçılar 5 ulduzlu otellərdə yerləşdirilir”

“Sosial tərəfdaşlarımız olmasa, layihələrimizi həyata keçirməyimiz mümkün olmaz”.

TodayPress TV xəbər verir ki, bunu “YAŞAT” Fondunun rəhbəri, Qarabağ qazisi Elvin Hüseynov fondun 5 illik fəaliyyətinə dair mətbuat konfransında deyib. 

O, xərclərdən nümunələr göstərib:

“Məsələn, Londonda təşkil olunan yay məktəbinin iştirakçıları üçün təyyarə biletləri xaric ümumi xərci 70 min manat təşkil edir. Biletlər AZAL tərəfindən qarşılanır. Yay düşərgələrində iştirakçıların 7 həftə müddətində qalması da əlavə böyük xərc yaradır. Bütün düşərgələrdə iştirakçılar 5 ulduzlu otellərdə yerləşdirilir”.

E.Hüseynov “Məktəb ləvazimatları” layihəsinin ümumi smetasının 170 min manata yaxın olduğu açıqlayıb. O bildirib ki, tərəfdaşların dəstəyi olmadan bu layihələrin xərclərini qarşılamaq mümkün deyil:

“Həyata keçirilən proqramlar kommersiya məqsədi daşımır və sosial layihə olduğu üçün dəstək göstərən tərəfdaşların adlarının ictimaiyyətə təqdim olunması vacib hesab olunur”.

Qiymət Mahir

TodayPress TV