“Gizli final” – PSJ “Bavariya”ya hazırlaşır!

“Pari Sen-Jermen” klubunda “Bavariya” ilə yarımfinal qarşılaşması “gizli final” kimi qiymətləndirilir.

TodayPress TV xəbər verir ki, bu barədə “The Touchline” nəşri məlumat yayıb. 

Paris təmsilçisinin futbolçuları hesab edir ki, cütün qalibi UEFA Çempionlar Liqasının əsas favoriti olacaq.

Komanda daxilində inam var ki, PSJ “Bavariya”nı keçəcəyi halda, ardıcıl ikinci dəfə turnirin qalibi ola bilər.

Mənbəyə görə, futbolçular hesab edir ki, “Arsenal” və “Atletiko Madrid” cari  mövsüm kuboku qazanmaq baxımından daha aşağı səviyyədədir.

Qeyd edək ki, yarımfinal mərhələsinin ilk oyunu aprelin 28-də PSJ – “Bavariya” arasında keçiriləcək. Digər yarımfinalda isə aprelin 29-da “Atletiko Madrid” “Arsenal”ı qəbul edəcək.

Namiq HUN

TodayPress TV