"Scorpions" rok qrupunun keçmiş gitaraçısı vəfat etdi
Almaniyanın "Scorpions" rok qrupunun keçmiş gitaraçısı Frensis Buxholts vəfat edib.
TodayPress TV bildirir ki, bu barədə "The Sun" nəşri musiqiçinin həyat yoldaşının sosial şəbəkə hesablarına istinadən xəbər verir.
Buxholts yanvarın 22-də xərçəng xəstəliyindən dünyasını dəyişib. Onun 71 yaşı var idi.
O, 1965-ci ildə Hannoverdə əsası qoyulmuş "Scorpions" qrupunun 1973-cü ildən 1992-ci ilə qədər gitaraçısı olub. Qrupun 19 studiya albomundan 10-u məhz Buxholtsun iştirakı ilə yazılıb.
