"Apple Watch Ultra 4" qan təzyiqini ölçə bilər
"Apple" şirkətinin hazırladığı "Apple Watch Ultra 4" modeli tamamilə yenilənmiş dizayn və qan təzyiqi monitorinqi funksiyası ilə təqdim oluna bilər.
TodayPress TV xəbər verir ki, bu barədə "MacRumors" məlumat yayıb.
Məlumata görə, "Apple" yüksək qan təzyiqini müəyyən edə biləcək yeni bildiriş sistemi üzərində çalışır. Sistem cihazın arxa hissəsində yerləşən optik ürək döyüntüsü sensoru vasitəsilə damarların reaksiyasını analiz edəcək və mümkün anormallıq aşkar edilərsə istifadəçiyə xəbərdarlıq göndərəcək.
Bildirilir ki, bu texnologiya hazırda ABŞ Qida və Dərman Administrasiyası — "Food and Drug Administration" tərəfindən qiymətləndirilir.
Mənbələrin məlumatına görə, yeni modelin dizaynı da ciddi şəkildə dəyişdirilə bilər. Saatın arxa hissəsində halqa formasında yerləşdirilmiş səkkiz sensordan ibarət yeni sistemin tətbiq ediləcəyi iddia olunur.
Analitiklər hesab edirlər ki, bu yeniliklər "Apple Watch" satışlarını 2025-ci illə müqayisədə 20-30 faiz artıra bilər.
Türkan İsgəndərli
