"Apple" video zənglər üçün işıq funksiyası təqdim edir

"Apple" "macOS Tahoe"nun yeni versiyasında video zənglərin keyfiyyətini artırmaq üçün "Edge Light" funksiyasını təqdim edir.

TodayPress TV xəbər verir ki, bu barədə "9to5Mac" məlumat yayıb.

"Edge Light" ekranın kənarları ətrafında dairəvi işıqlandırma yaradır və studiya işıqlandırması effektini simulyasiya edir. Funksiya "FaceTime", "Zoom" və digər məşhur video konfrans xidmətləri ilə uyğun işləyir.

Sistem istifadəçinin mövqeyi, boyu və üzünü tanımaq üçün Neyron Mühərrikin imkanlarından istifadə edərək ən optimal işıqlandırmanı təmin edir. İstifadəçilər həmçinin arxa işığın parlaqlığını və rəng temperaturunu əl ilə tənzimləyə və ya otaq işıqlandırmasına uyğun avtomatik rejim seçə bilərlər.

"Edge Light Apple Silicon" çipləri olan bütün "Mac" modellərində işləyir. Texnologiya artıq "macOS 26.2 beta" versiyasında mövcuddur.

Türkan İsgəndərli

TodayPress TV