ABŞ kosmosda enerji üçün nüvə tullantılarından istifadə edəcək
ABŞ-nin "Zeno Power" şirkəti kosmik missiyalarda enerji təminatı üçün yeni növ nüvə tullantılarından istifadə etməyi planlaşdırır.
TodayPress TV xəbər verir ki, bu barədə "Interesting Engineering" məlumat yayıb.
Məlumata görə, bu izotop "Zeno" tərəfindən hazırlanmış radioizotop enerji sistemlərinə enerji verəcək. Hazırda şirkət NASA ilə birlikdə amerisium yanacağı ilə işləyən sistemlər üzərində işləyir.
Bu enerji mənbələri gələcəkdə Ayda fəaliyyət göstərəcək roverlər, enici aparatlar və digər infrastruktur üçün vacib olacaq. Batareyalar xüsusilə Ayda gecə vaxtı və daim kölgədə qalan bölgələrdə sabit enerji təmin edəcək.
