NHL-də zədə şoku: 15 milyonluq ulduz kapitan hələ buza çıxa bilmir!
“Çikaqo Blekhoks”un baş məşqçisi Ceff Bleşill hücumçu Konnor Bedardın komanda ilə məşqləri bərpa etməkdən hələ uzaq olduğunu bildirib.
TodayPress TV xəbər verir ki, “Çikaqo”nun yeni kapitanı iyulun 9-da çiynindən keçirdiyi əməliyyatdan sonra bərpa prosesini davam etdirir.
Ötən müntəzəm çempionatda Bedard keçirdiyi 69 matçda 75 (30+45) xal toplayıb. NHL-də çıxış etdiyi üç mövsüm ərzində o, ümumilikdə 219 oyunda 203 (75+128) xal toplayıb.
Mövsümlərarası fasilədə “Çikaqo” Konnor Bedard ilə ilik maaşı 15 milyon dollar olmaqla 5 illik yeni müqavilə imzalayıb.
Qeyd edək ki, “Çikaqo” ötən mövsüm ABŞ Milli Hokkey Liqasının pley-off mərhələsinə vəsiqə qazana bilməyib. Müntəzəm çempionatın 82 matçında komanda 29 qələbə qazanaraq 72 xal toplayıb.
Namiq HUN
