“Narıncılar”ın yeni lideri təəccübləndirdi: Xavidən azarkeşlərə qeyri-adi vəd!
Niderland milli komandasının yeni baş məşqçisi Xavi “narıncılar”ın dövlət himnini öyrənəcəyinə dair qeyri-adi vəd verib.
TodayPress TV xəbər verir ki, “Sport.es” mütəxəssisin sözlərini “X” sosial şəbəkəsində paylaşıb.
“Milli himni öyrənməyə çalışacağam. Onun tarixini bilirəm, amma mənə müəyyən vaxt lazımdır”, - deyə Xavi bildirib.
Xavi avqustun 12-də Niderland millisinin sükanı arxasına keçib. İspaniyalı mütəxəssis daha əvvəl, 2021-2024-cü illərdə “Barselona”nı çalışdırıb. Onun rəhbərliyi altında Kataloniya təmsilçisi İspaniya çempionatının və ölkə Superkubokunun qalibi olub. Bura qədər isə o, Qətərin “Əl-Sədd” klubunu məşq etdirib.
Qeyd edək ki, qarşıdakı beynəlxalq fasilədə Xavinin yetirmələri Almaniya (24 sentyabr), Yunanıstan (1 oktyabr) və iki dəfə Serbiya (27 sentyabr və 4 oktyabr) seçmələri ilə qarşılaşacaqlar.
Namiq HUN
