Mourinyu üçün təhlükə zəngləri çalır: Florentino Peres qərarını verdi!

Joze Mourinyunun Madridin “Real” klubuna qayıdışı böyük gözləntilər yaratmasına baxmayaraq, rəhbərliyin bir hissəsi komandadakı vəziyyətdən narazıdır.

TodayPress TV xəbər verir ki, bu barədə məşhur jurnalist Xorxe Pikon məlumat yayıb.

Yayda portuqaliyalı mütəxəssisə transferlərdə və heyətin formalaşdırılmasında geniş səlahiyyətlər verilsə də, rəhbərlik hələ də gözlənilən ciddi dəyişiklikləri görmür.

Kluba rəhbərlik edən bəzi şəxslər Diomandenin start heyətində az meydana çıxmasından, eləcə də Arda Gülerlə bağlı verilən bəzi əvəzetmə qərarlarından narazıdırlar.

Rəhbərlik ümid edirdi ki, Mourinyuya verilən sərbəstlik komandanın oyununu əsaslı şəkildə yeniləyəcək, lakin hazırkı oyun tərzi ötən mövsümlə çox oxşar hesab olunur.

Buna baxmayaraq, soyunub-geyinmə otağında futbolçuların hələ də təcrübəli məşqçiyə dəstək olduğu bildirilir. Lakin rəhbərlik səviyyəsində ilkin entuziazm getdikcə tənqidi münasibətə və ciddi skeptisizmə çevrilməkdədir.

Məlumata görə, “Real” klubunun prezidenti Florentino Peres komandanın nəticələri yaxşılaşmayacağı təqdirdə baş məşqçi Joze Mourinyunu əvəz edə biləcək mütəxəssisin adını müəyyənləşdirib. Klub rəhbərliyinin bu post üçün əsas namizədi Didye Deşamdır.

Qeyd edək ki, La Liqada keçirilən doqquz turdan sonra Madrid təmsilçisi lider “Barselona”dan 6 xal geri qalaraq üçüncü pillədə qərarlaşıb.

Namiq HUN