İslamiada: Millinin heyəti açıqlandı
Azərbaycanı VI İslam Həmrəyliyi Oyunlarında 6 stolüstü tennisçi təmsil edəcək.
Azərbaycanı Səudiyyə Ərəbistanının paytaxtı Ər-Riyadda keçiriləcək VI İslam Həmrəyliyi Oyunlarında 6 stolüstü tennisçi təmsil edəcək.
TodayPress TV xəbər verir ki, yarışda ölkəmizin idman şərəfini məşqçilər Elnur Hidayətzadə və Ramil Cəfərovun rəhbərliyi altında Mərziyyə Nurmətova, Zemfira Mikayılova, Aylin Əsgərova, Onur Quluzadə, Hilal Həsənov və Adil Əhmədzadə qoruyacaq.
Komanda noyabrın 6-da Səudiyyə Ərəbistanına yola düşəcək.
Qeyd edək ki, VI İslam Həmrəyliyi Oyunlarında stolüstü tennis yarışları noyabrın 8-dən 13-dək keçiriləcək.
Namiq HUN
