Azərbaycan millisi FIFA turnirində növbəti qələbəsini axtarır
Azərbaycan millisi FIFA U-15 Dünya Çempionatı və Festivalı çərçivəsində növbəti oyununu keçirəcək.
TodayPress TV xəbər verir ki, yığmamız oktyabrın 28-də saat 11:30-da Hövsan Yarış Kompleksində Çili millisi ilə üz-üzə gələcək.
Turnirin əsasnaməsinə əsasən, qalib komandalar 1/8 final mərhələsinə yüksələcəklər. Məğlub olan kollektivlər isə digər uduzan komandalarla qarşılaşacaqlar.
Hər komanda 3-cü səbətdə ümumilikdə beş oyun keçirəcək. Bütün görüşlərini qələbə ilə başa vuran kollektiv həmin səbətin qalibi olacaq və ümumi turnir sıralamasında 65-ci yeri tutacaq.
Bütün oyunlarında məğlub olan komanda isə 3-cü səbətdə 32-ci, ümumi turnir sıralamasında isə 96-cı pillədə qərarlaşacaq.
Namiq HUN
