AFFA nümayəndəsinə UEFA-dan təyinat!
AFFA-nın Sosial və Ətraf Mühit Dayanıqlığı şöbəsinin rəhbəri Kifayət Mustafayeva UEFA tərəfindən təyinat alıb.
TodayPress TV xəbər verir ki, bu barədə AFFA məlumat yayıb.
Bildirilib ki, o, UEFA Gənclər Liqasının I turu çərçivəsində keçiriləcək “Lill” (Fransa) – “Real Betis” (İspaniya) oyununun UEFA nümayəndəsi olacaq.
Oyun sentyabrın 9-u Fransanın Lill şəhərində yerləşən “Domen de Luşen Təlim Mərkəzi” stadionunda təşkil olunacaq.
