48 komandadan ibarət ilk mundialın qrupları açıqlandı

Gələn ilin 11 iyun - 19 iyul tarixlərində ABŞ, Kanada və Meksikada ilk dəfə olaraq 48 futbol komandanın maraqlı mücadiləsinə şahidlik edəcəyik.  

TodayPress TV xəbər verir ki, 2026-cı il FIFA dünya çempionatı qrup mərhələsinin püşkatmasının nəticələri məlum olub. 

Mundialda ilk dəfə olaraq hər biri dörd komandadan ibarət 12 qrupa bölünmüş 48 komanda iştirak edəcək.

Püşkatmanın nəticələrini təqdim edirik.

A qrupu: Meksika, Cənubi Afrika, Cənubi Koreya, Avropa pley-offları – D yolu (Danimarka/Şimali Makedoniya/Çexiya/İrlandiya).

B qrupu: Kanada, Qətər, İsveçrə, Avropa pley-offları – A yolu (İtaliya/Şimali İrlandiya/Uels/Bosniya və Herseqovina).

C qrupu: Braziliya, Mərakeş, Haiti, Şotlandiya.

D qrupu: ABŞ, Paraqvay, Avstraliya, Avropa pley-offları – C yolu (Türkiyə/Rumıniya/Slovakiya/Kosovo).

E qrupu: Almaniya, Kyurasao, Fil Dişi Sahili, Ekvador.

F qrupu: Niderland, Yaponiya, Tunis, Avropa Pley-off Yolu B (Ukrayna/İsveç/Polşa/Albaniya).

G qrupu: Belçika, Misir, İran, Yeni Zelandiya.

H qrupu: İspaniya, Kabo-Verde, Səudiyyə Ərəbistanı, Uruqvay.

I qrupu: Fransa, Seneqal, Norveç, Qitələrarası Pley-off Yolu 2 (Boliviya/Surinam/İraq).

J qrupu: Argentina, Əlcəzair, Avstriya, İordaniya.

K qrupu: Portuqaliya, Özbəkistan, Kolumbiya, Qitələrarası Pley-off Yolu 1 (Yeni Kaledoniya/Yamayka/Konqo Demokratik Respublikası).

L qrupu: İngiltərə, Xorvatiya, Qana, Panama.

Qeyd edək ki, hazırda 42 komanda dünya çempionatına vəsiqəni təmin edib. Daha altı komanda 2026-cı ilin mart ayında keçiriləcək pley-off oyunlarından sonra müəyyənləşəcək.

Dünya çempionatında ilk iki komanda ilə yanaşı, üçüncü yeri tutan komandaların əksəriyyəti (12 komandadan ilk səkkiz) öz qruplarından irəliləyəcək.  Pley-off matçları 1/16 final mərhələsində başlayacaq.

Namiq HUN

TodayPress TV