2004-cü ilin NBA çempionu həyatdan köçdü

ABŞ Mili Basketbol Assosiasiyasının (NBA) 2004-cü il çempionu Elden Kembell 57 yaşında vəfat edib.

TodayPress TV xəbər verir ki, bu barədə sosial şəbəkə X-də Courtside Buzz portalı basketbolçunun bir neçə sabiq komanda yoldaşına istinadən məlumat yayıb.

Elden Kembellin ölüm səbəbi açıqlanmır.

O, NBA-də 1990–2005-ci illər arasında 15 mövsüm çıxış edib. Kembell “Los-Anceles Leykers”, “Şarlott Hornets”, “Nyü-Orlean Hornets”, “Siattle Supersonics”, “Detroyt Pistons” və “Nyü-Cersi Nets” kimi altı klubun formasını geyinib. Elden karyerası ərzində 1044 oyun keçirib, orta hesabla 10,3 xal və 5,9 ribaundla yadda qalıb. 

2004-cü ildə Kembell “Detroyt Pistons”un heyətində NBA çempionu olub.

Qeyd edək ki, Elden Kembell 1990-cı il NBA draflında ümumi 27-ci seçimlə komandaya götürülüb.

Namiq HUN

TodayPress TV