Hövsan kanalının çirklənməsinə görə vəzifəli şəxslər cərimələndi

"Hövsan kanalının çirkləndirilməsi ilə bağlı 2 hüquqi və 5 vəzifəli şəxs barəsində inzibati protokol tərtib olunub və məhkəmə tərəfindən cərimə sanksiyaları tətbiq edilib".

TodayPress TV xəbər verir ki, bu barədə Suların İstifadəsinə və Mühafizəsinə Dövlət Nəzarəti Xidmətindən bildirilib. 

Qeyd edilib ki, göllərin doldurulması ilə bağlı 4, çirkləndirilməsi ilə bağlı isə 25 inzibati protokol tərtib olunub.

Xəzər dənizinə dair isə ümumilikdə 15 protokol rəsmiləşdirilib; bunların 5-i çirkləndirmə, 10-u isə sahil mühafizə zolağının zəbt edilməsi ilə bağlıdır. 

Protokolların 56%-i üzrə nöqsanlar artıq aradan qaldırılıb, digər hallarla bağlı isə müvafiq təqdimatlar göndərilərək icra üçün əlavə vaxt verilib.

TodayPress TV