Yaponiya İsrailin İrana zərbəsini pislədi

Yaponiyanın xarici işlər naziri Takeşi İvaya bildirib ki, Yaponiya İsrailin İrana hərbi zərbə endirməsini pisləyir. 

TodayPress TV xəbər verir ki, bu barədə Yaponiya XİN məlumat yayıb.

Bildirilib ki, bu cür addımlar, İranın nüvə proqramı ilə bağlı diplomatik danışıqlar davam edərkən, vəziyyəti daha da gərginləşdirir.

Nazir vurğulayıb ki, Yaponiya məsələnin sülh yolu ilə həllini dəstəkləyir və hərbi güc tətbiqini təəssüf doğuran bir hal kimi qiymətləndirir.

Qeyd edək ki, 13 iyun gecə saatlarında İsrail İranın nüvə obyektlərini, raket istehsalı müəssisələrini və hərbi rəhbərliyini hədəf alıb. Nəticədə İranın İnqilab Keşikçiləri Ordusunun (IRGC) baş komandanı Hüseyn Salami və iki nüvə aliminin öldüyü bildirilir.

Türkan İsgəndərli