ÜST Qəzza zolağında xəstələrin təxliyəsini dayandırdı
Ümumdünya Səhiyyə Təşkilatı (ÜST) Qəzza zolağında işçilərindən birinin öldürülməsindən sonra xəstələrin Misirə təxliyəsini dayandırıb.
TodayPress TV xəbər verir ki, bu barədə ÜST-ün baş direktoru Tedros Adhanom Qebreyesus məlumat verib.
Onun sözlərinə görə, podratçı işçi baş verən təhlükəsizlik hadisəsində həyatını itirib. Hadisə yerində olan digər iki əməkdaş xəsarət almayıb.
Tedros qeyd edib ki, tibbi təxliyə növbəti xəbərdarlığa qədər dayandırılacaq və müvafiq orqanlar hadisəni araşdıracaqlar.
Türkan İsgəndərli
