Ukrayna 1400 km-dən neft emalı zavodunu vurdu
Ukrayna PUA-ları Başqırdıstandakı neft zavoduna zərbə endirib.
TodayPress TV xarici KİV-ə istinadən xəbər verir ki, oktyabrın 11-də səhər saatlarında Ukrayna Təhlükəsizlik Xidmətinin "A" Xüsusi Əməliyyatlar Mərkəzinin pilotsuz uçuş aparatları (PUA) Ufa şəhərindəki "Başneft-UNPZ" neft emalı zavoduna zərbə endirib.
Mənbə bildirib ki, bu, son bir ay ərzində Ukrayna tərəfindən Başqırdıstanda həyata keçirilən üçüncü zərbədir.
Ufa Rusiyanın ən böyük neft emalı mərkəzlərindən biri hesab olunur və ölkə ordusuna yanacaq, həmçinin yanacaq-sürtkü materialları təmin edir. Mənbə vurğulayıb ki, Ukrayna Təhlükəsizlik Xidməti istənilən obyektə çatmaq imkanına malikdir.
Jalə Rövşən
