Tramp-Mask mübahisəsi "Starlink"ə zərər vura bilər

ABŞ prezidenti Donald Tramp və iş adamı İlon Mask arasında yaranan mübahisə, Maskın peyk internet layihəsi olan "Starlink" üçün ciddi problemlərə səbəb ola bilər. 

TodayPress TV xəbər verir ki, bu barədə “Politico” qəzeti məlumat yayıb.

Məlumata görə, Mask əvvəllər Trampın yaxın dostu kimi tanınırdı və bu münasibət "Starlink"in müxtəlif ölkələrdə fəaliyyətini genişləndirməsinə kömək edib. Hətta bəzi ölkələr ABŞ hökumətinin təzyiqi ilə "Starlink"ə icazə verib.

Ancaq indi aralarında soyuqluq yaranıb. Ekspertlərin fikrincə, Tramp yenidən prezident olarsa, "Starlink"in kosmosda fəaliyyət göstərməsi üçün lazım olan lisenziyanı ləğv edə bilər. Bu da layihə üçün böyük təhlükədir.

Hazırda Tramp Maskın şirkəti "SpaceX"in dövlət müqavilələrini ləğv etməyib, amma mübahisə böyüsə, bu da baş verə bilər. 

Türkan İsgəndərli