Tramp Gürcüstanda 70 mərtəbəli göydələn tikdirir
ABŞ prezidenti Donald Trampın şirkəti "Trump Organization" Gürcüstanın paytaxtı Tbilisidə hündür göydələn layihəsi həyata keçirməyi planlaşdırır.
TodayPress TV xəbər verir ki, bu barədə “The Wall Street Journal” məlumat yayıb.
Məlumata görə, “Trump Tower Tbilisi” adlı kompleks təxminən 70 mərtəbədən ibarət olacaq və şəhərin ən hündür binasına çevrilə bilər. Layihədə lüks mənzillər və ticarət sahələrinin yer alacağı bildirilir.
Memarlıq işləri Gensler tərəfindən hazırlanır. Layihədə həmçinin Gürcüstanın "Archi Group" və "Biograpi Living" şirkətləri, eləcə də Nyu-Yorkda yerləşən "Sapir Organization" iştirak edir.
Qeyd olunur ki, Donald Tramp 2017-ci ildən şirkətin gündəlik fəaliyyətində iştirak etmir. Şirkətə onun oğlu Erik Tramp və Donald Tramp Jr. rəhbərlik edir.
Türkan İsgəndərli
