Tərk edilən dəmir yolu stansiyası bərpa edilir

İngiltərədə bir cütlük təxminən 30 ildir tərk edilmiş köhnə dəmiryolu stansiyasını bərpa edərək onu turistik məkana çevirir.

TodayPress TV xəbər verir ki, bu barədə "GoodNews Network" məlumat yayıb.

Mark və Kerol Bensonlar Şimali Yorkşirdə yerləşən Ebbertson Stansiyasını 1996-cı ildə, bağlanmasından 40 ildən çox vaxt keçdikdən sonra satın alıblar. Stansiya 1950-ci ildə fəaliyyətini dayandırıb. Cütlük bu illər ərzində bərpa işlərinə on minlərlə dollar və minlərlə saat əmək sərf edib.

Hazırda “Köhnə Stansiya” adı ilə tanınan ərazi turistlərin üzünə açıqdır. Qonaqlar birinci sinifdən olan üç köhnə vaqonda, həmçinin vaxtilə bilet kassası olmuş və indi kottecə çevrilmiş binada qala bilirlər.

Bensonlar stansiya rəisinin evini də bərpa edərək onu ailə evlərinə çeviriblər. Son işlər çərçivəsində platformadakı sığınacaq və gözləmə zonası da yenidən qurulub. Stansiya binası tarixi və memarlıq əhəmiyyətinə görə xüsusi mavi lövhə ilə təltif edilib.

Türkan İsgəndərli

TodayPress TV