"Reuters": "İran müharibəsi Rusiyanın gəlirlərini iki dəfə artıracaq"

Rusiyanın neft üzrə mineral hasilatı vergisindən əldə etdiyi büdcə gəlirləri bu ilin aprel ayında mart ayı ilə müqayisədə iki dəfə artaraq təxminən 700 milyard rubla (9 milyard dollar) çatacaq. Bu, ötən ilin aprel ayı ilə müqayisədə təxminən 10% artım deməkdir.

TodayPress TV xəbər verir ki, bu barədə  "Reuters" agentliyi yazıb.

Agentlik bunu İranın fevral ayının sonundan etibarən dünya neftinin və mayeləşdirilmiş təbii qazın təxminən 20%-nin keçdiyi Hörmüz boğazını faktiki olaraq bağlaması nəticəsində qlobal neft qiymətlərinin yüksəlməsi ilə izah edir.

Qeyd edilib ki, Rusiyanın "Urals" markalı xam neftinin orta qiyməti mart ayında bir barel üçün 77 dollara qədər yüksələrək 2023-cü ilin oktyabrından bəri ən yüksək səviyyəyə çatıb. Bu göstərici fevral ayı ilə müqayisədə (bir barel üçün 44,59 dollar) 73% çoxdur və cari il üçün büdcədə nəzərdə tutulan 59 dollar həddini əhəmiyyətli dərəcədə üstələyir.

Jalə Rövşən 

TodayPress TV