Qrenlandiyadan ABŞ-yə cavab: “Biz buz parçası deyilik"

Qrenlandiyanın Baş naziri Yens-Fridrix Nilsen dünya nizamının qorunmasına sadiq olan qürurlu bir milləti təmsil etdiyini bildirib. 

TodayPress TV xəbər verir ki, bu barədə “Reuters” agentliyi məlumat yayıb. 

"İkinci Dünya Müharibəsindən sonra qurulmuş, hörmət etdiyimiz və bütün tərəflərin beynəlxalq hüquqa əməl etdiyi müdafiə ittifaqına sahib olduğumuz qlobal birliyi qorumaq bizim üçün vacibdir. Onlar indi çətinlik çəkirlər və düşünürəm ki, bütün müttəfiqlər onları qorumaq üçün bir araya gəlməlidirlər. Ümid edirəm ki, bu baş verəcək", - deyə Nilsen vurğulayıb. 

O, həmçinin ABŞ lideri Donald Trampın Arktika adası haqqında "Nəhəng, pis idarə olunan buz parçası" fikrinə münasibət bildirib: 

“Biz buz parçası deyilik. Biz hər gün yaxşı qlobal vətəndaşlar kimi çalışan və bütün müttəfiqlərimizə tam hörmətlə yanaşan 57.000 nəfərlik qürurlu bir əhaliyik". 

Xatırladaq ki, Tramp İran müharibəsi ilə bağlı münasibətlərin kritik nöqtəyə çatdığı bir vaxtda NATO-dan narazılığını ifadə edərək, hərbi ittifaqın lazım olan anda orada olmadığını və hələ də Qrenlandiyanı xatırladığını bildirib. 

Aysel Mətləb

TodayPress TV