Qətər: İsrail Qəzzada atəşkəs razılaşması təklifinə cavab vermir
Qəzza zolağında atəşkəsə dair təklifə hələ də İsraildən rəsmi cavab verilməyib.
TodayPress TV xəbər verir ki, bu barədə Qətər Xarici İşlər Nazirliyindən bildirilib.
Nazirliyin sözçüsü Məcid Əl-Ənsarinin sözlərinə görə, humanitar məsələlər heç bir siyasi razılaşmaya bağlanmamalıdır.
O qeyd edib ki, İsrailin Qəzzada hərbi planları həm bölgə, həm də israilli girovlar üçün risklidir, beynəlxalq ictimaiyyət İsrailə qarşı vahid mövqe sərgiləməlidir.
Qətər rəsmisi, atəşkəsə dair alternativ təkliflərin müzakirəsinin və vasitəçi ölkələrlə təmasların davam etdiyini bildirib. O, Qəzzaya humanitar yardımın (yanacaq, su, elektrik, tibbi və infrastruktur dəstəyi) təcili çatdırılmasının vacibliyini vurğulayıb.
Türkan İsgəndərli
