Putinlə Lukaşenkonun telefon danışığı oldu
Rusiya prezidenti Vladimir Putin və Belarus prezidenti Aleksandr Lukaşenko arasında telefon danışığı olub.
TodayPress TV xəbər verir ki, bu barədə Kremlin mətbuat xidməti məlumat yayıb. Onlar Ali Avrasiya İqtisadi Şurasının Minskdə keçiriləcək iclasına hazırlıq məsələlərini müzakirə ediblər.
Bundan əlavə, cari beynəlxalq və regional problemlər müzakirə olunub.
Vladimir Putin və Aleksandr Lukaşenko Rusiya prezidentinin Minskdə olacağı müddətdə fikir mübadiləsini davam etdirmək barədə razılığa gəliblər.
