Polşada Ukrayna ilə bağlı yardım qanununa görə siyasi qarşıdurma yarandı

Polşada Baş nazir Donald Tusk hökuməti ilə prezident Karol Navrotskinin administrasiyası arasında Ukrayna vətəndaşlarına yardım qanununa görə kəskin mübahisə başlayıb.

TodayPress TV xəbər verir ki, “Strana.ua” nəşrinin məlumatına görə, rəqəmsal texnologiyalar naziri Kşiştof Qavkovski prezidentin sözügedən qanuna veto qoymasını Rusiyanın maraqlarına xidmət kimi qiymətləndirib.

Bu açıqlama dövlət başçısının mətbuat katibi Rafal Leşkyeviçin sərt reaksiyasına səbəb olub.

Leşkyeviç bildirib ki, Qavkovskinin sözləri “əsassızdır”.

Qavkovski isə vurğulayıb ki, Navrotskinin vetosu səbəbindən Polşa Kiyev üçün “Starlink” peyk internetinin ödənişini edə bilməyəcək. Nazir həmçinin prezidentə müraciət edərək siyasi mübarizə naminə kor-koranə hökumətə hücuma son qoymağa çağırıb.

Qiymət Mahir