Makron sonrası yarış qızışır: Fransada kim prezident olacaq ?

Fransada 2027-ci il prezident seçkilərinin birinci turunun aprel ayında keçirilməsi planlaşdırılır.

TodayPress TV xəbər verir ki, bu barədə "Le Monde"  məlumat yayıb.

Məlumata görə, səsverməyə üç variant çıxarılıb: partiyadaxili ilkin seçkilərin keçirilməsi, partiya tərəfdarlarının da iştirak edə biləcəyi daha açıq seçki modelinin təşkili və Retailleau-nun birbaşa namizəd kimi təsdiqlənməsi. Respublikaçıların 73,8%-i sonuncu variantı dəstəkləyib.

Retailleau-nun namizədliyini səsvermədən xeyli əvvəl elan etmək istəyi partiya daxilində, xüsusilə Milli Assambleyadakı Respublikaçılar fraksiyasının rəhbəri Laurent Wauquiez tərəfindən tənqid olunub. Açıq ilkin seçkilərin tərəfdarı olan Wauquiez, səsvermədə boş bülleten atacağını bildirib. Bu mövqeyi sağ-mərkəzçi siyasətçi Gérald Darmanin və sağçı Reconquête partiyasının nümayəndəsi Sarah Knafo da bölüşür.

Bildirilib ki, Fransada prezident seçkilərinin birinci turunun dəqiq tarixi hələ müəyyənləşməyib. Lakin onun hazırkı prezident Emmanuel Macronun səlahiyyət müddətinin 13 may 2027-ci ildə başa çatmasından 20–35 gün əvvəl keçirilməsi gözlənilir. Əgər namizədlərdən heç biri birinci turda 50%-dən çox səs toplaya bilməsə, ən çox səs qazanan iki namizəd iki həftə sonra keçiriləcək ikinci turda mübarizə aparacaq.

Qeyd edək ki, ikinci prezidentlik müddətini başa vurduqdan sonra Makron yenidən namizəd ola bilməz, çünki Fransa Konstitusiyasına əsasən prezidentlik iki müddətlə məhdudlaşdırılıb.

Jalə Rövşən 

TodayPress TV