Kamboca Tailandla atəşkəsi pozduğuna dair iddiaları rədd etdi

Kamboca Tailand ordusunun sərhəd bölgəsində atəşkəsi pozmaq ittihamlarını rədd edir. 

TodayPress TV xəbər verir ki, bu barədə “Khmer Times” qəzeti Kamboca Milli Müdafiə Nazirliyinin mətbuat katibi, general-leytenant Mali Soçitə istinadən məlumat yayıb. 

Onun sözlərinə görə, Kamboca Silahlı Qüvvələri əmrlərə və gecə yarısı qüvvəyə minən atəşkəs razılaşmasına ciddi şəkildə əməl edir. 

Mətbuat katibi qeyd edib ki, Kamboca tərəfi Malayziyanın paytaxtında əldə olunmuş razılaşmalara riayət etmək və həyata keçirmək üçün öz üzərinə götürdüyü öhdəlikləri yerinə yetirir. 

Xatırladaq ki, bundan əvvəl Tailand ordusu Kambocanı atəşkəsi pozmaqda ittiham edib. 

 Aysel Mətləb