İsveçdə uşaq məsuliyyəti yaşı 13-ə endirilə bilər

İsveç hökuməti, zorakı cinayətlər törətmək üçün cinayətkar şəbəkələr tərəfindən cəlb edilən uşaqlarla mübarizə məqsədilə, ağır cinayətlərdə cinayət məsuliyyəti yaşını 15-dən 13-ə endirməyi planlaşdırır.

TodayPress TV xəbər verir ki, bu barədə "BBC News" məlumat yayıb.

Ədliyyə naziri Qunnar Strommer bunu "fövqəladə vəziyyət" adlandırıb və hökumətin uşaqların istismarının qarşısını almanın əsas vəzifəsi olduğunu bildirib. Təklif yalnız qətl, ağır hücum və ağır təcavüz kimi ən ciddi cinayətlərə şamil olunacaq və ümumi şəkildə məsuliyyət yaşını azaltmayacaq.

Məlumata görə, son on ildə 15 yaşdan kiçik uşaqların iştirakı ilə törədilən cinayətlərin sayı iki dəfə artıb. Qanun qəbul edilərsə, bu yay qüvvəyə minəcək.

Türkan İsgəndərli

TodayPress TV