İsraildə nağd əməliyyatlara 6 min şekel limiti

İsraildə nağd pulla əməliyyatlara 6 000 şekel məbləğində məhdudiyyət tətbiq edilməsi planlaşdırılır.

TodayPress TV xəbər verir ki, məsələ Knessetin Konstitusiya Komitəsinin bugünkü iclasında müzakirəyə çıxarılacaq.

Gündəlikdə “qara kapital”la mübarizə haqqında qanuna dəyişikliklər də yer alıb.

Təşəbbüsə əsasən, nağd pulların xırdalanması və mübadiləsi də daxil olmaqla əməliyyatlar yalnız 6 000 şekelədək məbləğdə icazəli olacaq. Bu norma nağd pul istifadəsinin azaldılması haqqında qanuna əlavə ediləcək.

İstisna lisenziyalı maliyyə təşkilatları tərəfindən verilən kreditlərə aiddir. Yeni qaydalara görə, nağd şəkildə verilən kreditin məbləği də 6 000 şekeli keçə bilməz. Bu limitdən yuxarı əməliyyatlara əlavə məhdudiyyətlər tətbiq olunacaq.

Eyni zamanda hesablaşma hesabından nağd vəsaitin çıxarılması bu məhdudiyyətə daxil edilməyəcək. Söhbət banklar, Poçt Bankı və lisenziyalı depozit təşkilatlarında açılan hesablardan gedir.

Qanunun icrasına nəzarət mövcud mexanizmlər vasitəsilə həyata keçiriləcək. Qayda pozuntusuna görə cərimələr və inzibati tədbirlər nəzərdə tutulur.

Qiymət Mahir