"İranla razılaşma olmasa..." — Trampın "B" planı nədir?"

"ABŞ İranla razılaşma əldə olunmasa, yenidən hərbi ssenariyə qayıda bilər".

TodayPress TV "Sky News"a istinadən xəbər verir ki, bunu ABŞ Prezidenti Donald Tramp deyib.

O bildirib ki, danışıqlar uğursuz olarsa, Vaşinqton güc variantına asanlıqla qayıda bilər.

“Əgər bu yaxşı razılaşma olmasa, biz çox asanlıqla buna qayıdacağıq”, — deyə Tramp qeyd edib.

Onun sözlərinə görə, İranla danışıqlar artıq irəliləmiş mərhələdədir:

“Hazırda proses kifayət qədər irəliləmiş vəziyyətdədir və nəticə əldə etmək üçün imkan var”.

Qeyd edək ki, Tramp aprelin 8-də İranın Hörmüz boğazını tam açmağa və gəmiçiliyin təhlükəsizliyini təmin etməyə razılaşdığını da açıqlamışdı.

Qiymət Mahir